@uzbyuksalish

Telegram

@uzbyuksalish

“Салом, Сардоба, биз биргамиз!” хайрия тадбирига қўшилинг!

 2020-05-04 14:26:07   |     Просмотров: 4956

Сардоба сув омборида юз берган офат натижасида жабр кўрганларга кўмаклашиш мақсадида “Салом, Сардоба, биз биргамиз!” хайрия акциясига старт берилди.

Адлия вазирлиги ташаббуси билан бошланган акция “Юксалиш” умуммиллий ҳаракати томонидан қўллаб-қувватланди.

Акция доирасида “Юксалиш” УМҲнинг махсус ҳисоб рақами очилиб, йиғилган маблағлардан уст-кийимлар, озиқ-овқат, дори-дармон ва бошқа зарур буюмлар сотиб олинади.

Шунингдек, ҳар қандай кўринишдаги инсонпарварлик ёрдамлари ҳам қабул қилиниб, офатдан жабр кўрганларга етказилади.

Акция доирасида мутахассисларни жалб қилган ҳолда бепул ҳуқуқий маслаҳатлар бериш ва давлат хизматларини жойига чиққан ҳолда кўрсатиш режалаштирилган.

Ҳозирда бир қатор ташкилотлар, хусусан, Конрад Аденауэр фонди, Шодиев халқаро фонди, Эзгу мақсад жамоат фонди, OU7 фонди, Ўзбекистон – Туркия ишбилармонлари уюшмаси, Ўзбекистон Қизил ярим ой жамияти, спорт федерациялари ва бошқа ташкилотлар ҳамда фаол фуқаролар ташаббус кўрсатиб, акцияга қўшилганликлари қувонарлидир.

Кутилмаган офатдан жон сақлаш учун уйларини ташлаб чиққан ватандошларимиз учун тезкорлик билан кўрсатиладиган ҳар қандай ёрдам катта аҳамиятга эга.

Биз офатдан жабр кўрганларга ёрдам бериш учун саховатпеша юртдошларимиз томонидан илгари сурилаётган ташаббусларни қўллаб-қувватлаймиз.

Шу сабабли, ўз ҳиссасини қўшишни истаган барча “Салом, Сардоба, биз биргамиз!” акциясини қўллаб-қувватлашлари ва ушбу мураккаб даврда елкама-елка туриб, сирдарёликларга далда бўлиши мумкин.

Эндиликда, “Салом, Сардоба, биз биргамиз!” хайрия акциясида пул ўтказиш йўли билан ҳам иштирок этиш мумкин. “Юксалиш” умуммиллий ҳаракати томонидан махсус ҳисоб рақами очилди: 

Юридик шахслар учун ҳисоб рақами: 20212000100981895003
МФО-00451, СТИР-207290818
ТИФ Миллий банки

Payme: «Хайрия» бўлими — «BizBirgamiz» логотипи (фақат жисмоний шахслар учун).

Click: «Хайрия» бўлими — «BizBirgamiz» логотипи (фақат жисмоний шахслар учун).

Акция ташкилотчилари пул маблағларининг йиғилиши ва сарфланиши бўйича шаффофликни таъминлашни ўз зиммасига олади.

Мурожаат учун “Тезкор штаб” телефон рақамлари: 91-572-11-00, 71-239-33-23, 97-157-80-65