VAKANSIYA: LOYIHANING MOLIYAVIY MASALALARI BO‘YICHA MUTAXASSIS
Yevropa Ittifoqi bilan hamkorlikda moliyalashtirilayotgan, Konrad Adenauer jamg‘armasining O‘zbekistondagi vakolatxonasi, milliy hamkor — "Yuksalish" harakati bilan amalga oshirilayotgan "O'zbekistonda inklyuziv jamoatchilik taraqqiyoti uchun fuqarolik jamiyati imkoniyatlarini kengaytirish" loyihasiga moliyaviy masalalar bo‘yicha mutaxassis qidirilmoqda.
Lavozim turi: yarim stavka (50% bandlik, oflayn)
Ish joyi: Toshkent shahri
Davomiyligi: loyiha yakuniga qadar (shartnomani uzaytirish imkoniyati bilan)
I. LOYIHA HAQIDA QISQACHA:
Loyiha O‘zbekistonda fuqarolik jamiyati institutlarini qo‘llab-quvvatlash, ularning salohiyatini oshirish va ijtimoiy taraqqiyotda inkluzivlikni ta’minlashga qaratilgan. Loyiha Yevropa Ittifoqi hamda BMZ moliyaviy standartlari asosida amalga oshiriladi.
II. LAVOZIM MAJBURIYATLARI:
- loyihaning umumiy byudjetini boshqarish va xarajatlarni doimiy monitoring qilib borish;
- Yevropa Ittifoqi va Konrad Adenauer jamg‘armasining moliyaviy tartib-taomillari hamda BMZ talablariga rioya qilinishini ta’minlash;
- loyiha doirasida amalga oshiriladigan barcha to‘lovlarni muvofiqlashtirish, birlamchi buxgalteriya hujjatlarini (hisob-fakturalar, shartnomalar, dalolatnomalar va h.k.) tayyorlash va tekshirish;
- “Yuksalish” harakati va Konrad Adenauer jamg‘armasi o‘rtasidagi moliyaviy hisobotlarni muvofiqlashtirish;
- loyihaning oylik, choraklik, yillik va yakuniy moliyaviy hisobotlarini tayyorlash;
- tashqi audit tekshiruvlari va monitoring missiyalari uchun zarur hujjatlar paketini tayyorlash;
- O‘zbekiston Respublikasining soliq va mehnat qonunchiligi talablariga muvofiq loyiha xarajatlarini rasmiylashtirish.
III. NOMZODGA QO‘YILADIGAN TALABLAR:
- moliya, iqtisodiyot yoki buxgalteriya sohasida oliy ma’lumot;
- xalqaro loyihalarda (ayniqsa, YEI yoki boshqa donor tashkilotlar tomonidan moliyalashtirilgan loyihalarda) kamida 3 yillik ish tajribasi;
- Yevropa Ittifoqining moliyaviy hisobot tizimi va BMZ qoidalari haqida tushunchaga egalik (ustunlik beriladi);
O‘zbekiston Respublikasining soliq qonunchiligi va buxgalteriya standartlarini mukammal bilish;
- o‘zbek va ingliz tilini bilish;
- Microsoft excel va buxgalteriya dasturlari (masalan, 1C) bilan professional darajada ishlash qobiliyati;
- mas’uliyat, aniqlik va jamoada ishlash ko‘nikmasi.
IV. MEHNAT SHAROITLARI:
- O‘zbekiston Respublikasi Mehnat kodeksiga muvofiq rasmiy ishga joylashish;
- moslashuvchan ish grafigi (yarim kunlik bandlik);
- zamonaviy va qulay ofis sharoiti (Toshkent markazida);
- xalqaro ekspertlar bilan ishlash va tajriba orttirish imkoniyati;
- nomzodning malakasi va tajribasidan kelib chiqqan holda raqobatbardosh ish haqi.
V. ARIZA TOPSHIRISH TARTIBI:
Qiziqish bildirgan nomzodlardan o‘zlarining rezyumelarini (CV) va ushbu lavozimga nima uchun munosib ekanliklari bayon etilgan qisqacha motivatsion xatni info@yuksalish.org yoki lutfiddinov@yuksalish.org elektron pochtalariga yuborishlari so‘raladi.
Muddat: 2026-yil 5-yanvarga qadar.
Faqat saralab olingan (shortlisted) nomzodlar suhbatga taklif etiladi.